எடுப்பு

குறளோடு உறவாடு நெஞ்சே! – திருக்
குறளோடு உறவாடு நெஞ்சே!
———————————————————————– (குறளோடு)

தொடுப்பு

அறத்தோடும் பொருளோடும் இன்பத்தோடும் கொஞ்சும் – நல்
அன்போடும் பண்போடும் அருளோடும் விஞ்சும்!
———————————————————————– (குறளோடு)

முடிப்பு

நலமோங்கும் வாழ்வியலை நன்றாகப் பேசும்! – குறள்
நன்னெறியாம் ஒழுக்கத்தை நமக்கள்ளி வீசும்!
தலைவாழை கல்விதனை மகிழ்வோடு கூறும்! – குறள்
மாண்புறுமாம் ஈகைகுணம் வளரவுளம் சேரும்!
———————————————————————– (குறளோடு)

வாய்குளிர இன்சொற்கள் மலரவழி சொல்லும்! – குறள்
வளமோங்கும் நாடாக வகையறிந்து செல்லும்!
தூய்மையொடு ஆள்வினையை தொடர்கவெனத் துள்ளும்! –
தோதுறவே காலமதை அறியமுறை விள்ளும்!
———————————————————————– (குறளோடு)

உயர்ந்தகுடி இலக்கணத்தை குடிமையிலே காட்டும்! – குறள்
உலகோர்க்கு மனமோன்றே உயிரெனவே ஊட்டும்!
அயர்ந்தவரின் பிறமனையை நயப்பவரை ஓட்டும்! குறள்
அடியாள்கள் அனைவரையும் சிறையில்தள்ளிப் பூட்டு!
———————————————————————– (குறளோடு)


மறுமொழி இடவும்

உங்கள் மின்னஞ்சல் வெளியிடப்பட மாட்டாது தேவையான புலங்கள் * குறிக்கப்பட்டன

Related Posts

மரபுக் கவிதை

அன்பு – ஆசிரியப்பா

கவிதை எழுதுவதற்கு எத்தனையோ வடிவங்கள் இருந்தாலும் மரபு வடிவம் என்பது மாறாத ஒரு வடிவம்; மரபு அழிந்துவிட்டது; அது திரும்ப எழாது; புதுக்கவிதை போன்ற புதிய வடிவங்கள் தோன்றிவிட்டன. நம் எண்ணப்படி எழுதலாம் என்று எண்ணியவர்களின் எண்ணங்கள் தவறு என நிரூபிக்கும் வகையில் உருவான தொகுப்பே இது.

புதுக் கவிதை

ஒரு கோப்பைத் தேநீர்

ஒரே ஒரு வேண்டுகோள் 12 மணிநேரத்திற்குள் பொழிந்த கவிதைகள் என்னைத் தக்க முக்காடச் செய்து விட்டன. ஒரு நூறு கவிதைகளுடன் தொகுப்பை நிறைவுசெய்யலாம் என எண்ணினால் அதுமுடியாமல் போனது.

மின்னிதழ்

ஹைக்கூ திண்ணை 13

ஹைக்கூ திண்ணை செப்டம்பர் / ஒக்டோபர் மின்னிதழைத் தொகுக்கும் வாய்ப்பு எனக்குக் கிடைத்ததில் மட்டற்ற மகிழ்ச்சியும் பெருமிதமும் அடைகிறேன். இந்தப் பெறுமதியான வாய்ப்பை வழங்கிய கவிச்சுடர் கல்யாணசுந்தரம் ஐயா அவர்களுக்கு முதற்கண் எனது நெஞ்சம் நிறைந்த நன்றிகளைச் சமர்ப்பிக்கிறேன். ஹைக்கூ என்றால் என்ன, அதை விளங்கிக் கொண்டு அதன் விதிமுறைகள் பற்றி அறிந்து அதன்படி எழுத எல்லோரும் முனைகின்றார்களா என்பது கேள்விக்குறியே. சிலர் இலக்கண விதிமுறைக்கேற்ப ஹைக்கூ கவிதைகளை எழுதுகின்றனர். ஆனாலும் சிலர் இலக்கண விதிகளைக் கொஞ்சம் மீறிப் புதுமையாக, வித்தியாசமாக எழுதுபவர்களாக இருக்கிறார்கள்...